नविन प्रविधि कृषि सहकारीको कार्यक्रममा ४८ जनाले गरे रक्तदान , ७० जनाको स्वास्थ्य परीक्षण

चितवन । नविन प्रविधि कृषि सहकारी संस्था लिमिटेड भरतपुर – १४ महेनद्रचोकमा आज रक्तदान तथा स्वास्थ परिक्षण कार्यक्रम सम्पन्न भएको छ । संस्थाको दोस्रो स्थापना दिवसको अवसरमा उक्त कार्यक्रमको आयोजना गरिएको हो।

कार्यक्रममा १२ जना महिला र ३६ जना पुरूष गरि ४८ जनाले रक्तदान गरेका थिए भने ७० जनाले स्वास्थ्य परीक्षण गराएका थिए । सहकारीले संस्थागत सामाजिक उत्तरदायित्व अन्र्तगत सो कार्यक्रमको आयोजना गरेको हो ।

कार्यक्रमको प्रमुख अतिथि भरतपुर १४ का वडा अध्यक्ष राजेन्द्र साखी रहनुभएको थियो ।
सो अवसरमा बोल्दै साखीले नविन प्रविधि कृषि सहकारी संस्था कृषि क्षेत्रमा मात्र नभई सामाजिक कार्यमा पनि सरिक भएको भन्दै खुशी व्यक्त गर्नुभयो । संस्थासंग आगामी दिनहरूमा हातेमालो गर्दै अगाडि बढ्ने प्रतिबद्वता पनि उहांँले व्यक्त गर्नुभयो ।
स्वास्थ्य परीक्षण जि.पि पोलिक्लिनिक भरतपुर –१४ का स्वास्थ्यकर्मीद्धारा भएको थियो ।े

कार्यक्रममा भरतपुर १५ का वडा अध्यक्ष श्रीकृष्ण देवकोटा,नेपाल रेडक्रस सोसाईटी चितवन उपशाखाका उपसभापति बिदुर के.सी,शिवनगर उपशाखाका अध्यक्ष भिमबहादुर थापा लगायत सामाजिक व्यक्तित्वहरूको सहभागिता रहेको थियो। संस्थाले आज साझमा दिप प्रज्ज्वलन तथा केक काटेर स्थापना दिवस समेत मनाएको छ । संस्थाका अध्यक्ष दिपेन्द्र वास्तोलाको सभापतित्वमा सम्पन्न कार्यक्रम जीवन के.सीले सञ्चालन गर्नुभएको थियो ।