मेघौली । नेपाल रेडक्रस सोसाइटी उपशाखा मेघौली उपशाखाको सभापतिमा लक्ष्मीप्रसाद डुम्रे चयन भएका छन् । उपशाखाको २१औँ वार्षिक सभा तथा छैटौँ अधिवेशनले उनी सभापति रहेको ११ सदस्यीय नयाँ समिति गठन गरेको हो ।
अधिवेशनले शिला परियार उपसभापति, पवन चापागाईं सचिव, डोलकान्ती न्यौपाने सह–सचिव, लालुमाया अधिकारी कोषाध्यक्ष, चूडामणि ढकाल उप–कोषाध्यक्ष, यसैगरी रीता शर्मा, शान्तबहादुर महतो, विष्णु आचार्य, एकनारायण भट्टराई, छविलाल बस्याल सदस्यहरु रहेको कार्यसमिति सर्वसम्मत चयन गरेको छ ।
भरतपुर महानगरपालिकाकी मेयर रेनु दाहाल प्रमुखअतिथि रहेको कार्यक्रममा उपशाखाकी कोषाध्यक्ष शिला परियारले आर्थिक प्रतिवेदन, उपशाखाका सचिव लक्ष्मीप्रसाद डुम्रेले वार्षिक प्रतिवेदन प्रस्तुत गरेका थिए ।
मेघौली उपशाखाका अध्यक्ष चन्द्रदत्त सुवेदीको सभापतित्वमा सम्पन्न कार्यक्रममा भरतपुर–२७ का वडाध्यक्ष रामबहादुर भण्डारी, वडा नं–२८ का वडाध्यक्ष डण्डपाणि रिजाल, नेपाल रेडक्रस सोसाइटी चितवन शाखाका उपसभापति विदुर केसी, मन्त्री हरिप्रसाद पौडेललगायतले शुभकामना मन्तव्य व्यक्त गरेका थिए ।
