चितवन । चितवन मुटु अस्पतालमा अत्यधुनिक सुविधा सहितको क्याथ ल्याब सेवा शुरु गरिएको छ । आज अस्पतालमा प्रमुख अतिथि प्रमुख अथिति राष्ट्रिय मुटु तथा फोक्सो समाजका अध्यक्ष मुटुरोग विशेषज्ञ डाक्टर मनी प्रसाद गौतमले औपचारिक रुपमा शुभारम्भ गर्नुभयो ।
शुभारम्भ पछि बोल्दै प्राडा गौतमले चितवन मुटु अस्पतालले सुरु गरेको क्याथ ल्याब सेवाले सबै मुटुका सबै खाले विरामीलाई सेवा दिन सक्ने बताउनु भयो । सबै वर्ग र समुदायका बिरामीहरूलाई सेवाको सहज सरल र प्रभावकारी पहुंच पुरयाउने उहांँले विश्वास व्यक्त गर्नुभयो।
कार्यक्रमका विशिष्ट अतिथि सहिद गंगालाल राष्ट्रिय ह्दय केन्द्रका निर्देशक डा. चन्द्रमणि अधिकारीले
काठमाडौं बाहिर पनि दिन शुरु गरिएको यस्ता सेवा विस्तारले मुटुरोगीको लागि ठूलो टेवा पुग्ने बताउनु भयो।
अस्पतालका सल्लाहाकार डा. इश्वरी राज लौडारीले चितवन मेडिकल सिटी भएपनि हेल्दी सिटी नभएको भन्दै सर्बसाधारणको पहुंँचमा यस्ता सेवा पुगेमात्रै चितवन मेडिकल सिटी बन्न मदत पुग्ने बताउनु भयो ।
अस्पतालका अध्यक्ष तथा मुटु रोग विशेषज्ञ डाक्टर शंकर लौडारीले क्याथ ल्याब प्रविधिको बारेमा जानकारी दिनुभएको थियो । उहांँका अनुसार अस्पतालमा क्याथ ल्याब ल्याईसकिएपछि २० जना विरामीको उपचार गरिसकिएको छ । ९ करोडको लागतमा यो मेशीन भित्रयाईएको हो । संसारमा यो सेवा सन् १९७७ बाट सुरु गरिएको थियो। सबैभन्दा पहिले यो प्रविधि जनावर प्रयोग गरिएपछि मात्र मानिसमा गरिएको हो ।
चितवन मुटु अस्पताल सहित चितवनमा मात्रै अब यो सेवा तीनवटा अस्पतालमा छन । चितवनमा सरकारी र नीजि सहित करीब एकदर्जन मुटुरोग विशेषज्ञ कार्यरत छन ।
अस्पतालका प्रबन्ध निर्देशक प्रभात शर्माले स्वागत मन्तव्य दिनुभएको कार्यक्रममा बद्री तिमिल्सिना,चन्द्र कान्त अधिकारी, कृष्ण भुर्तेल सहितको सहभागिता रहेको थियो ।
