आँखा पाक्ने रोगका कारण पाकिस्तानको पञ्जाबमा विद्यालय बन्द हुने

पञ्जाब ।आँखाको सङ्क्रमण बढ्दै गएपछि पाकिस्तानको पञ्जाब प्रान्तका सरकारी र निजी विद्यालयहरू सेप्टेम्बर २८ मा बन्द हुने एआरवाई न्यूजले बुधबार जनाएको छ ।

एआरवाई न्यूज एक पाकिस्तानी समाचार च्यानल हो । पञ्जाबका कार्यवाहक मुख्यमन्त्री मोहसिन नकवीले बिहीबार सबै विद्यालय बन्द गर्ने घोषणा गरेको पाकिस्तानी सञ्चारमाध्यमले जनाएका छन् ।

आदेशमा सङ्क्रमण फैलन नदिन अन्य दिन विद्यालयको मुख्य प्रवेशद्वारमा विद्यार्थीको चेकजाँच गर्न पनि निर्देशन दिइएको छ ।

एआरवाई न्यूजका अनुसार पञ्जाब प्रान्त र पाकिस्तानका अन्य भागमा आँखाको सङ्क्रमण हुने घटनामा तीव्र वृद्धि भएको छ । भारतको पञ्जाब राज्यको स्वास्थ्य विभागका अधिकारीहरुले पछिल्लो २४ घण्टामा ८५ जना नयाँ बिरामी फेला परेको जानकारी दिएका छन् ।

गुलाबी (राता) आँखा पारदर्शी झिल्लीको एक सङ्क्रमण हो जसले परेला र आँखाको नानी रहने गोलो भागलाई सङ्क्रमित गर्दछ । यसलाई ‘कन्जेक्टिभा’ भनिन्छ ।

सूर्यको प्रकाश र धुलोले आँखामा पारेको प्रतिकूल प्रभावका कारण प्रभावितलाई घरबाहिर निस्कन समेत समस्या भइरहेको छ ।

प्रभावित व्यक्तिहरूलाई आँखा सफा गर्नका लागि निर्धारित आँखामा राख्ने औषधी, चिसो पानी र सफा र नरम कपडा वा कागज प्रयोग गर्न आँखा शल्यचिकित्सक डा. इन्जार हुसेन बटले आग्रह गर्नुभयो । रासस