प्रायः अहिलेपनि चिकित्सक तथा स्वास्थ्यकर्मीलाई भगवान मान्ने केही मानिसहरु अझै भेटिन्छन । किनकी चिकित्सकले गम्भिर बिरामीलाई समेत उपचार गरेर निको गर्ने पुर्नजन्म समेत दिने भएकोले पनि बिरामीले भगवान सम्मको दर्जा दिएको हुनुपर्छ । तर पछिल्ला बर्षहरुमा स्वास्थ्यकर्मी, स्वास्थ्य संस्थाको संख्या बढ्दै जांँदा र बिरामीको पहुंँच अस्पतालसंँग बढ्दै जांँदा यी दुईपक्षबीचको आस्था विश्वास र भरोसामा भने केही खुम्चिएको पाउंँछौं । उदाहरणका लागि चिकित्सकले एउटा अंगको शल्यक्रिया गर्नुपर्नेमा अर्को अंगको गर्ने, एउटा औषधि चलाउनु पर्नेमा अर्कै औषधि चलाउने, गम्भिर बिरामीको उपचारमा लापरवाही गर्ने तथा गलत परामर्श दिने जस्ता बिषयले चिकित्सा पेशामा पनि शंका गर्ने ठाउंँ प्रशस्त देखिएको छ । यस्तै बिरामी या आफन्तले विना प्रमाण बिना गल्ती
चिकित्सकलाई दोष लगाउने, कमजोरी देखाउने र बिरामीको मृत्यु भएमा अस्पतालसंँग लाखौं रुपैंयाको बार्गेनिङ्ग गर्ने जस्ता क्रियाकलापले विरामी र चिकित्सक बीचको दुरी झन बढेको पाउंँछौ । जसका कारण नत बिरामीले गुणस्तरीय सेवा पाउन सक्छन न त चिकित्सकले ढुक्कसंँग सेवा दिन सक्छन । यसले एकातिर स्वास्थ्यकर्मीको असुरक्षतालाई बढाएको छ त अर्कोतिर चिकित्सकप्रतिको विश्वासलाई घटाउंँदै लगेको छ । जसले गर्दा चिकित्सक र स्वास्थ्यसंस्था प्रति आक्रमण हुने गरेका घटनाहरु बढिरहेको पाउंँछौ ।
त्यसैले पनि यी दुईबीचको समस्या सुल्झाउन बिरामी र स्वास्थ्यकर्मी बीच परामर्श, समझदारी तथा विश्वास हुनु जरुरी छ । पछिल्ला बर्षहरुमा बिरामी र चिकित्सकको विश्वास किन घट्दै गईरहेको छ ? के कारणले स्वास्थ्यकर्मी र स्वास्थ्यसंस्थाबीच आक्रमण भईरहेका छन ? उनीहरुको भौतिक तथा मानवीय सुरक्षाका लागि अहिलेका ऐन कानुन पर्याप्त छन कि छैनन र यसको न्यूनिकरणका लागि के के गर्नुपर्ला भन्ने बिषयमा यस इपिसोडमा डाक्टर निरज कुमार सिंहको धारणा लिएका छौं । विस्तृत जानकारी तलको भिडियो लिंक मार्फत प्राप्त गर्नसक्नुहुनेछ ।
