काठमाडौँ ।स्वास्थ्य तथा जनसङ्ख्यामन्त्री मोहनबहादुर बस्नेतले राष्ट्रपति रामचन्द्र पौडेलको स्वास्थ्य अवस्थाबारे जानकारी लिनुभएको छ ।
मुटुमा समस्या आएपछि आज बिहान बाँसबारीस्थित शहीद गङ्गालाल राष्ट्रिय हृदय रोग केन्द्रमा भर्ना हुनुभएका राष्ट्रपति पौडेलको स्वास्थ्य अवस्थाबारे आज साँझ जानकारी लिनुभएको हो ।
मन्त्री बस्नेतले अस्पताल प्रशासनसँग राष्ट्रपति पौडेलको स्वास्थ्य अवस्थाबारे जानकारी लिनुभएको मन्त्री बस्नेतका प्रेस संयोजक रामचन्द्र दुलालले राससलाई जानकारी दिनुभयो । राष्ट्रपति पौडेलको स्वास्थ्य अवस्था सामान्य रहेको अस्पतालले जनाएको छ । रासस
