चितवन । इनरव्हील डिस्ट्रिक्ट ३५० र इनरव्हील क्लब अफ नारायणीको संयुक्त आयोजना तथा पुष्पान्जली हस्पिटल प्रा.लि.भरतपुरको प्राविधिक सहयोगमा भरतपुरमा निशुल्क स्वास्थ्य शिबिर तथा सचेतनामुलक कार्यक्रम सम्पन्न भएको छ ।
भरतपुर ४ स्थित दुर्गा भगवती मन्दिर लंकु-त्रिचोकमा उक्त शिबिर सम्पन्न भएको हो । कार्यक्रममा स्थानीय नागरिकहरुको नि:शुल्क रगतमा मधुमेह परीक्षण तथा सचेतना कार्यक्रम गरिएको थियो । शिबिरमा आएका स्थानीयलाई बरिष्ठ फिजिसियन डा.भोजराज अधिकारीले मधुमेह रोगबाट बच्न ख्याल गर्नुपर्ने विषयमा सचेतना प्रदान गर्नुका साथै निःशुल्क स्वास्थ्य परीक्षण गर्नु भएको हो ।
आयोजित शिविरमा करिब ८० जनाको स्वास्थ्य परीक्षण गरिएको पुष्पान्जली अस्पतालका प्रयोगशाला विभाग प्रमुख मिलन सुबेदीले जानकारी दिनुभयो ।
भरतपुर महानगरपालिका वडा १०,बालमन्दिर रोडमा रहेको यस पुस्पाञ्जली हस्पिटल प्रा.लि. ले आफ्नो सामाजिक उत्तदायित्वलाई फराकिलो बनाउँदै शिविर तथा स्वास्थ्य सचेतना कार्यक्रम मार्फत अगाडि बढिरहेको छ।
