काठमाडौँ । पत्रकारिता तथा आमसञ्चार केन्द्रीय विभागका प्राध्यापक तथा विद्यार्थीको निःशुल्क स्वास्थ्य परीक्षण गरेको छ । बल्खुस्थित केन्द्रीय विभागको समन्वयमा स्टार अस्पतालका डा तथा नर्सहरुको टोलीले प्राध्यापक तथा विभागका अध्ययनरत विद्यार्थीको निःशुल्क स्वास्थ्य परीक्षण गरेको हो ।
अस्पतालका अनुभवी चिकित्सकले रक्तचाप, मधुमेह, गाइनो लगायतको निःशुल्क स्वास्थ्य परीक्षण गरेका हुन् । विभागीय प्रमुख डा कुन्दन अर्यालले विद्यार्थीलाई शिक्षणसँगै अन्य रचनात्मक कार्यमा सहभागी गराउने उद्देश्यले स्टार अस्पतालको समन्वयमा निःशुल्क स्वास्थ्य परीक्षण गरिएको बताउनुभयो । उहाँले आगामी दिनमा विभागले विद्यार्थीका लागि अन्य रचनात्मक क्रियाकलाप गर्दै जाने बताउनुभयो ।
उपप्राध्यापक डा देवराज अर्यालले विभागले रचनात्मक काम गर्ने कार्यक्रमअन्तर्गत स्टार अस्पतालको समन्वय गरेर शिक्षक र विद्यार्थीको स्वास्थ्य परीक्षण गरिएको बताउनुभयो । उहाँले यस्ता काम गर्दा विद्यार्थीको स्वास्थ्य अवस्थाका बारेमा जानकारी हुने र अस्पतालको पनि प्रचार हुने गरी काम गरिएको बताउनुभयो ।
उपप्रध्यापक डा घमराज लुइँटेलले अस्पतालको सामाजिक जिम्मेवारी रहेकाले अस्पतालले पत्रकारिता तथा आमसञ्चार केन्द्रीय विभागका शिक्षक र विद्यार्थीको स्वास्थ्य परीक्षण गर्नु सह्रानीय काम भएको बताउनुभयो । उहाँले भन्नुभयो, “अस्पातलको सामाजिक जिम्मेवारी पनि हो । विभागका प्राध्यापक र विद्यार्थीको स्वास्थ्य निःशुल्क गर्न सकारात्मक कुरा हो ।”
पत्रकारिता तथा आमसञ्चार केन्द्रीय विभाग स्नातकोत्तर तह तेस्रो समेस्टरमा अध्ययनरत विद्यार्थी ईक्सा लिम्बूले स्टार अस्पतालले विद्यार्थीलाई निःशुल्क स्वास्थ्य परीक्षण गर्दा खुसी भएको बताउनुभयो । उहाँले विभागमा नै आफ्नो स्वास्थ्यसम्बन्धी समस्याका बारेमा निःशुल्क जानकारी लिन पाउँदा उत्साहित भएको बताउनुभयो ।
तेस्रो समेस्टरमा अध्ययनरत विद्यार्थी महेश पाण्डेले स्टार अस्पतालले विभागमा आएर विद्यार्थीको निःशुल्क स्वास्थ्य परीक्षण गर्नु विद्यार्थीको लागि लाभदायी रहेको बताउनुभयो । उहाँले विभागले अस्पतालसँग समन्वय गरी विद्यार्थीको स्वास्थ्य परीक्षण गराउनु सकारात्मक काम भएको बताउनुभयो ।
तेस्रो समेस्टरमा अध्ययनरत विद्यार्थी बाबुराम आचार्यले विभागले अध्यापनमा मात्रै भन्दा पनि यस्ता खालका रचनात्मक खालका कार्यक्रम गर्न आवश्यक रहेको बताउनुभयो । उहाँले अस्पताललाई सामाजिक जिम्मेवारी पनि भएकाले विद्यार्थीको निःशुल्क स्वास्थ्य परीक्षण गर्नु उदाहरणीय कार्य भएको बताउनुभयो । रासस
