काठमाडौं । नेपालमा विगत २४ घण्टामा १६ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार उक्त अवधिमा २ हजार १८४ ओटा नमूना परीक्षण गर्दा १६ जनामा संक्रमण पुष्टि भएको हो । यसैगरी ९५७ ओटा पीसीआर परीक्षणमा आठ ओटा जना र १ हजार २२७ ओटा एन्टिजन परीक्षणमा पनि आठ जना नै संक्रमित फेला परेका हुन् ।
मन्त्रालयका अनुसार उक्त अवधिमा कोरोना भाइरसको संक्रमणबाट मुक्त हुनेको संख्या भने नौ रहेको छ । हाल मुलुकभर कोरोना भाइरसका सक्रिय संक्रमितको संख्या ११० रहेको छ । मन्त्रालयका अनुसार हालसम्म १ करोड ८४ लाख ५२१ जनाले कोरोना भाइरसविरुद्धको खोप लगाएका छन् ।
