३० वर्षकै उमेरमा दुवै मिर्गौला ‘ड्यामेज’ भएर मृत्युसँग लडिरहेका खत्री

जुम्ला । जुम्लाको तातोपानी गाउँपालिका २ निवासी ३० वर्षीय मान बहादुर खत्री आर्थिक अभावले मृत्युसँग लडिरहनुभएको छ । खत्रीका दुवै मिर्गौला फेल भएका छन् ।

३० वर्षकै उमेरमा दुवै मिर्गौला ड्यामेज भएर मृत्युसँग लडिरहेका खत्रीले सबैको सानो सानो सहयोग पाए आफूले पुनर्जन्म पाउने आशा व्यक्त गर्नुभएको छ । घरको आर्थिक अवस्था कमजोर भएको र दुवै मिर्गौला प्रत्यारोपणका लागि लाखौँ रकम आवश्यक पर्ने भएकोले सहयोगको अपेक्षा उहाँले गर्नुभएको छ ।

उहाँले भन्नुभयो,“घरमा छ वर्षको छोरा र श्रीमती मात्रै मेरो सहारा छन् । आर्थिक अवस्था कमजोर छ । बाँच्ने दृढ इच्छा छ । दैवले गरिबलाई पिडामाथि पिडा दिँदो रहेछ । भगवान रुपी सम्पुर्ण देश विदेशमा रहेका, नेपाली आफन्तले मलाई बचाउनुहुने छ भन्नेमा ढुक्क छु ।”

मिर्गौला पीडित खत्रीलाई सहयोग गर्न चाहने महानुभावहरूले खत्रीको मोबाइल नम्बर ९७४९८४१३२४ वा पत्रकार सागर परियारको मोबाइल नम्बर ९८४८३५७३५९ मा सम्पर्क गर्न सक्नुहुने छ । साथै, सहयोगी महानुभावहरूले पीडित खत्रीको साङ्ग्रिला डेभलपमेन्ट बैङ्क जुम्ला शाखामा रहेको खाता नम्बर (०२८०१२००३०७७२७०००००१) मा रकम जम्मा गर्न सक्नुहुने छ ।