रत्ननगर । आठ महिनाको वालकलाई बोनम्यारो क्यान्सर भएपछि परिवारले सहयोगको अपिल गरेका छन । उपचार महंगो र पारिवारिक आर्थिक अवस्था कमजोर भएको भन्दै उनीहरुले आर्थिक सहयोगको अनुरोध गरेका हुन् । रत्ननगर नगरपालिका वडा नं ९ निवासी सागर दाहाद र शिवा घिमिरे दाहालको ८ महिनाको छोरा शिवान्स दाहाललाई एक महिना अघि बोनम्यारो क्याक्सर भएको प्रमाणित भएको थियो ।
काठमाडौंको कान्ति अस्पतालमा उपचार सम्भव नभएपछि वालकको भारतको राजीव गान्धी अस्पतालमा उपचार भइरहेको छ । बालकको उपचारको लागि ४० देखि ५० लाख रुपैया खर्च लाग्ने अस्पतालले बताएको बुवा सागर दाहालको भनाई छ । ‘५० लाख जोहो गर्ने हाम्रो हैसियत छैन उनले भने, तपाई मनका धनी महानुभावले सहयोग गरेर मेरो छोरालाई बचाइदिनुहोस । ’ उनको अपलि छ । वालकको उपचारको लागि ग्लोबल आइएमई बैंकमा सागर दाहालको खाता नं ४२०८०१०००३६५० मा रकम जम्मा गर्न सकिनेछ ।
आर्थिक अभावका कारण उपचारमा समस्या भएपछि बालककी आमा शिवा घिमिरेका साथीभाईहरुले रकम संकलन अभियान सुरु गरेका छन् ।
