चितवन । आजदेखि भरतपुर अस्पतालमा ओपिडी टिकट निःशुल्क गरिएको छ । अस्पताल विकास समितिको निर्णय अनुसारसाउन ८(आज) गते देखि लागुहुने गरी अस्पतालमा आउने सबै सेवाग्राहीको लागि ओपिडी टिकट निःशुल्क गरिएको हो । अस्पतालले आज एक विज्ञप्ति जारी गर्दै अस्पतालमा आउने अति गरिब, बेबारिसे तथा सिमान्तकृत सेवाग्राहीहरुलाई स्वास्थ्य सेवा पहुां पुर्याउन टिकट निशुल्क गरिएको जनाएको छ । विज्ञप्तिमा भनिएको छ,‘अस्पतालमा आउने अति गरिब तथा सिमान्तकृत सेवाग्राहीहरुलाई स्वास्थ्य सेवामा पहुंँच हुनेछ भन्ने कुरालाई मनन गरि यो निर्णय गरिएको छ । ’
अति गरिब, बेबारिसे विपन्न तथा सिमान्तकृत समुदायलाई अस्पतालको आकस्मिक कक्षमा सेमत टिकट र उपचार निःशुल्क भईरहेको विज्ञप्तिमा उल्लेख छ ।
यसअघि अस्पतालमा सेवा लिन आउँने महिला, ज्येष्ठ नागरिक र स्वास्थ्य बीमा भएका सेवाग्राहीको शुल्क नलिने गरेकोमा आजबाट अहिले सबैलाई निःशुल्क गरिएको हो ।
केन्द्रिय अस्पतालको रुपमा परिचित यो अस्पतालमा चितवन लगायत दुई दर्जनभन्दा बढी जिल्लाबाट उपचारका लागि यहाँ आउने गर्दछन् ।
