नवजात शिशुको आंँखाको पर्दामा देखिने समस्या र उपचार पद्धति बिषयक कार्यक्रम

भरतपुर । समय नपुगि जन्मेका नवजात शिशुहरुको आँखाको भित्री पर्दामा देखा पर्ने समस्या र उपचार पद्धति सम्बन्धि (कन्टीन्यू मेडिकल एजुकेशन )सिएमई कार्यक्रम सम्पन्न भएको छ ।
शनिबार भरतपुर आँखा अस्पतालको आयोजनामा भरतपुरमा उक्त कार्यक्रम सम्पन्न भएको हो।

कार्यक्रममा समय नपुगी जन्मेका तथा उमेर पुगी जन्मेका शिशुहरुलाई जन्मदा साथ आँखाको भित्री पर्दामा समस्या भएमा के कसरी उपचार गर्ने र यस रोग लाग्नुको कारण,आधुनिक उपचार पद्धति बारे बालरोग र आँखा रोग विशेषज्ञ बीच आपसमा ज्ञान साटासाट गरिएको थियो ।
कार्यक्रममा चिकित्सकहरुले यस्ता समस्या भयका नवजात शिशुहरुलाई जन्मेको चार हप्ता भित्र रोगको प्रभावबारे निक्र्यौल गरी उपचार गर्न सकिएमा उनीहरूको आँखाको दृष्टि गुम्न बाट बचाउन सकिने बताएका थिए ।

वरिष्ठ बालरोग विशेषज्ञ डा विजय मान कायस्थ को प्रमुख आतिथ्यता रहेको कार्यक्रममा वरिष्ठ बाल रोग बिशेषज्ञ डा ओम कृष्ण पाठक, आँखा रोग विशेषज्ञ डा मनिषा श्रेष्ठ, डा संगीत प्रधान र डा सन्यम बजीमाया लगायतले यस सम्बन्धी प्रस्तुतीकरण गर्नु भएको थियो। कार्यक्रम अस्पतालका अध्यक्ष कृष्ण राज धरेलको सभापतित्वमा कार्यक्रम सम्पन्न भएको हो ।