काठमाडौँ । देशभरि कोरोना भाइरसका ५ हजार ६ सय ५९ जना सक्रिय संक्रमित रहेको स्वास्थ्य तथा जनसङ्ख्या मन्त्रालयले जनाएको छ ।
पछिल्लो समय कोरोना सङ्क्रमितको सङ्ख्या दैनिक बढेसँगै कोरोना सङ्क्रमितको सङ्ख्या पनि बढेको हो ।
काठमाडौँ उपत्यकामा ३ हजार ८ सय ८४ सक्रिय संक्रमित पुगेका छन् ।
काठमाडौँमा ३ हजार १०, भक्तपुरमा ९६ र ललितपुरमा ७ सय ७८ गरी ३ हजार ८ सय ८४ सक्रिय सङ्क्रमितले आइसोलेसनमा रहेर उपचार गरिरहेको मन्त्रालयले जनाएको छ ।
देशभरि आज ५ सय ५३ जना कोरोनाबाट संक्रमित भएका छन् ।
३ हजार ७ सय ८९ नमुनाको परिक्षण गर्दा ५ सय ५३ मा संक्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।
गएको २४ घण्टाभित्र कोरोना सङ्क्रमणबाट ४ सय ३३ जना मुक्त भएका छन् । आज देशभर कसैको पनि कोरोनाबाट मृत्यु नभएको मन्त्रालयले जनाएको छ ।
